Informasjon om villreinjakt i Eresfjord og Vistdal Statsallmenning (EVS)
Søknad:
Søknadsfrist 1. mai.
Personar som er registrert busatt i gamle Eresfjord og Vistdal kommune (Eikesdal, Vistdal, Bugge, Eresfjord) pr. 1. november året før er søknadsberettiga.
Elektronisk søknadsskjema for reinsjakt finn du på vår heimeside eresfjordogvistdalfjellstyre.no under fanen villreinjakt. Ved problem med å søke elektronisk, ta kontakt med dagleg leiar per e-post eller mobil. E-post: eresfjord.vistdal@fjellstyrene.no mobil: 90 68 98 28
Du kan velje om du vil søkje på reinsdyr i Eresfjord og Vistdal Statsallmenning, Snøhetta aust, eller Snøhetta vest. Du kan og søkje på begge områda. Kryss av på søknadsskjema.
Jegerar som hadde jaktkort på rein i EVS siste året kan også søkje.
Resultatet av trekkinga vert gjort kjend i aviser og på vår heimeside. Det er høve til å reservere seg mot offentleggjering ved å kommentere dette på elektronisk søknadsskjema.
Dersom ein fyrstegangsjeger (uansett alder) ynskjer å jakte saman med ein jeger med erfaring, kan ein legge ved kommentar på den elektroniske søknaden.
Trekking:
Fjellstyret trekker jaktkorta på styremøte i løpet av mai. Møtet er ope for alle. Dette vert annonsert på førehand.
Trekningsrekkefylgje: Vest. Fritt dyr, kluftbukk, simle/ungdyr, simle + kalv, kalv. Aust. Fritt dyr, kluftbukk, simle/ungdyr + kalv, kalv. Reserve vest, reserve aust.
Jegerar som har hatt fritt dyr i løpet av dei siste fem åra, får maks tildelt kluftbukk.
Jegerar som hadde jaktkort på rein siste året vert trekt ut sist.
Fyrstegangsjegerar får tildelt jaktkort på kalv i Snøhetta vest, dersom dei ikkje vert trekt ut med større kort under ordinær trekking.
Tildeling:
Den som vert trekt ut får skriftleg melding frå fjellstyret om kva dyr ein har fått tildelt. Saman med tildelingsbrevet kjem ein faktura (betalingsfrist), jegerliste, skjema for jaktlag og ein jegerkontrakt.
Betalt jaktkort vert av fjellstyret godtatt som underskrift av jegerkontrakta, og at jeger aksepterer vilkåra i denne.
Jaktkort som ikkje er betalt går til reserve.
Før ein får utdelt jaktkortet må jegeren syne at han har betalt jegeravgifta og har godkjend skyteprøve. Anten elektronisk, SMS, foto eller på papir.
Når fjellstyret har mottatt alle papira sender vi jaktkort, underskreven jaktlagskontrakt, jaktavtalar, kart m.m. i posten.
Dersom de har betalt, men ikkje får godkjent skyteprøve betalar vi attende beløpet.
Jaktlag:
Det er høve til å danne jaktlag, maks fire jegerar. Alle jegerane må ha jaktkort utskrive av rettshavarar i Molde kommune, og alle korta må ha gjensidig overgangsavtale.
Jaktlagskontrakta skal vere godkjent av fjellstyret.
Jaktlaget skal ha ein jaktleiar som er ansvarleg for koordinering av jakta, og rapportering til rettshavar om fellingsresultatet.
Alle jegerane må skrive under alle jaktkorta.
Jaktlagsontrakta skal innehalde namn på alle jaktlagsmedlemmane, og kva dyr laget har rett til å felle.
Ein jeger kan vere medlem i berre eit jaktlag.
Jaktlagskort kan ikkje overdragast.
Alle i jaktlaget kan jakte så lenge jaktlaget har kort.
Jegerane kan jakte kvar for seg, eller saman. Går jegerane saman, kan kvoten fyllast av ein, eller alle (krav om god kommunikasjon). Dersom jegerane går kvar for seg, kan ein skyte den type dyr som kjem fram av medbrakte kort.
Kopi av jaktlagskontrakta skal alltid takast med av alle medlemmane i jaktlaget.
Dersom de vil opprette jaktlag send bilde av underskriven jaktlagskontrakt til fjellstyret med namna på dei de vil opprette kontrakt saman med. Godkjent jaktlagskontrakt vert sendt frå fjellstyret saman med jaktkorta.
Søknadsfrist for oppretting av jaktlag er 10.august.
Det kjem til eit jaktlagsgebyr på kr. 100 per jeger.
Kontrollkort (jaktkort):
Kontrollkortet er personlig og kan ikkje overdragast til andre utan samtykke frå fjellstyret.
Kontrollkortet skal fyllast ut etter at dyret er felt, og før transport frå fellingsstaden. Hugs å skjere i kortet kva type dyr som er felt, og dato.
Kontrollkortet må kunne synast fram for oppsynet.
Kjøt som vert lagt att i fjellet skal merkast med kjøtmerkelappen som er festa på kontrollkortet.
Alle kontrollkort (jaktkort) skal sendast til fjellstyret seinast 5 dagar etter jaktslutt.
Jaktutøving:
All jakt skal foregå humant og i h.t. bestemmelse i Lov om viltet, med forskrifter, Lov om skytevåpen og ammunisjon, Lov om dyrevern m.v.
Hugs at du ikkje skal skyte på fleire dyr når eit alt er påskote, og det ikkje er funne og bekrefta dødt. Avbryt ordinær jakt og søk etter påskote dyr.
Meld frå til jaktoppsyn om påskotne og skada dyr som ikkje er funne.
Det er nulltoleranse for bruk av rusmiddel og alkohol i samband med jakt og bruk av våpen.
Felling:
Det skal fellast slikt dyr som kjem fram i jegerkontrakt og kontrollkort. Vert det felt anna type dyr vil det føre til fylgjande avgift og reaksjonsform.
Kluftbukk er ein bukk med inntil 2 taggar på kvar gevirstang. Taggar under 5 cm skal ikkje reknast med. Det er tillat å felle simle/ungdyr på kluftbukk-kort, men jegerane vert oppmoda til å unngå dette.
Ved felling av anna type dyr enn det som er tildelt, om mogleg, ta kontakt med jaktoppsyn.
Avgifter og verdi av inndradde dyr går til Snøhetta Villreinutval, bankkonto 4035 17 78174.
Overdraging av jaktkort:
Jegerar som seier frå seg jaktkortet før jaktstart kan søkje på jaktkort neste år og vere med på fyrste trekking (sjå trekking). Innbetalt beløp vert betalt attende.
Jegerar som seier frå seg jaktkortet etter jaktstart kan søkje på jaktkort neste år, men vert med på siste trekking (sjå trekking).
Tildelte jaktkort kan overdragast til reserve etter 27. august.
Kort som vert overdradd vert tildelt etter reserveliste.
Fjellstyret betaler attende til selger, og krev inn av kjøper det kortet er verdt.
(Pris : jaktdager = dagspris). Selger får utbetalt full pris minus tal dager kortet er brukt. Kjøpar betalar verdien av tal dagar igjen på kortet. Fjellstyret trekker eit gebyr av selger på kr. 500 for vaksne dyr og kr. 300 for kalv.
Etter at alle ordinære reserver har blitt spurt kan det vere ledige jaktkort på slutten av jakta. Jegerar som har fylt sine kort kan melde frå til fjellstyret. Ved innlevering av fylt jaktkort vert jegeren sett opp på ei liste, og mellom desse vert det loddtrekning. Pris vert fastsett etter vanlige reglar for fjellstyret.
CWD-skrantesjuke:
Alle felte dyr, eldre enn 1 år, skal testast for skrantesjuke. Følg bruksanvisning som ligg i pose med prøveutstyr som de har fått utdelt. Posen skal brukast ved innsending av prøven. Merkelapp med adresse ligg i posen og den er ferdig frankert.
Lever posen på postkontor/butikk og send som hurtigpost.
Kjeveinnlevering:
Alle kjevar skal leverast inn. Dette er viktig for at forskinga skal få gode data på kondisjonsutviklinga på dyra. Etter 1. mai året etter er det råd å finne sitt dyr på hjorteviltregisteret. Hugs å ta vare på koden på kontrollkortet.
Unnlatelse av levering av kontrollkort/jaktkort og kjeve kan føre til utelating frå jakt i eit år frå det året ein har lov til å jakte igjen.
Kjevar skal leverast til fjellstyret, eller ein annan rettshavarar. Hugs utfylt kjevemerkelapp.
Veging av slakt:
Snøhetta Villreinutval oppmodar alle jegerar å ta med ei lita fjørvekt for eksakt veging av slakta. Dette er viktig for å måle kondisjonen på dyra i Snøhetta. Dette har m.a. samanheng med beitetilhøva og storleiken på reinsstamma.
Alle som har fått tildelt jaktkort på kalv får utdelt ei fjørvekt.
Hjorteviltregisteret (sett og skutt.no):
Alle jegerar skal rapportere resultatet av jakta til hjorteviltregisteret. Anten via appen, eller via internett. Seinast 5 dagar etter jaktslutt. Også dei som ikkje har felt dyr.
Rapporteringsplikt.
GPS-merka dyr:
GPS-merka dyr skal IKKJE skytast.
Legitimasjon:
Jegere skal ha med seg legitimasjon, jegeravgiftskort, jegerkontrakt og våpenkort ved utøvelse av jakt.
Jegere skal og ha med kontrollkort og eventuell kopi av jaktlagskontrakt.
Drone:
Bruk av drone er forbudt.
Jaktradio:
Det henstilles til om å ikkje bruke jaktradio under aktiv jaktutøving.
Avliving av skada rein:
Jeger som på lovlig grunn og i lovlig jakttid eller fellingsperiode treffer på storvilt som er såret eller skadet slik at det er påført store lidelser og ikke kan leve eller bli friskt, skal avlive dyret for å hindre unødige lidelser.
Dersom jegeren ved avliving av hjortevilt har fellingstillatelse på tilsvarende kategori dyr, skal vedkommende straks ta stilling til om dyret skal tas på egen fellingskvote.
Dersom jeger ikkje vil nytte eige kontrollkort på det skada dyret kan jeger, etter avtale med jaktoppsyn, overta kjøttet til avtalt pris. Kjøper plikter å ta med den skadde delen so lenge dyret er under transport.
Er kjøttet ikke brukbart, skal det plasseres slik at det skjemmer terrenget minst mulig.
Melding om avlivingen skal så snart som råd gis til jaktoppsyn eller kommune.
Reaksjonsbestemmelser:
Rettshavar kan nekte å skrive ut kontrollkort til den som dei siste 3 åra rettskraftig er dømt til straff, eller har vedteke forelegg om straff for brot på offentlige lover eller forskrifter om jakt.
Lisensjakt på jerv og bjørn:
Alle som er registrert som lisensjeger på jerv og bjørn, får automatisk løyve til slik jakt i Eresfjord og Vistdal Statsallmenning dersom ein har jaktkort på rein utstedt av Eresfjord og Vistdal Fjellstyre, eller nokon av dei vi har overgangsavtale med.
Jakt på raudrev:
Eresfjord og Vistdal Fjellstyre vil oppmode alle med godkjent jaktkort i Eresfjord og Vistdal statsallmenning til å skyte raudrev.
Indre felles jaktområde, Snøhetta aust:
Det indre felles jaktområdet opnar 24 .august. Før den tid må jegerane jakte innanfor eigne jaktområde.
Felles jaktdagar Snøhetta aust:
Det vert felles overgang i heile Snøhetta aust, måndag, tysdag og onsdag i veke 35-36-37.
Følgende områder er ikke åpne i disse fellesjaktdagene:
Området for fellesjakt begrenses østover av elva Grøna, fra samløpet med Jore inn til Svanåbu (Maribu). Deretter i rett linje til hvor Stropla møter Kaldvella, for så å følge Kaldvella ned til jernbanen. Følger så jernbanen til Grøna.
Felles jaktdagar Snøhetta vest:
Det vert felles overgang i heile Snøhetta aust måndag, tysdag og onsdag i veke 35-36-37.
For Eikesdal Sameige sitt område er det felles overgang måndag og tysdag i veke 36-37.
Grense mellom Snøhetta vest og Snøhetta aust.
Reinen i Snøhetta vert forvalta som to stammer. Jaktkort utstedt i Snøhetta vest kan ikkje jaktast på i Snøhetta aust og omvendt. Grense mellom Snøhetta vest og Snøhetta aust er som fylgjer:
Jore – Dalsidevegen – Flisarvatnet – Sjongsvatnet – Aursjøen – Fattigbekken – Torbuvatnet – Osvatnet – Holbuvatnet – Litledalen.
Jaktavtale mellom Eresfjord og Vistdal Fjellstyre og Eikesdal Sameige:
Rettighetshavarar med hevd på reinsjakt i Eikesdal kan jakte i Eresfjord og Vistdal Statsallmenning inntil fylgjande grense:
Frå trigonometrisk punkt 1351 aust frå Kjøtåvatnet i rett linje til innfallsosen på Inste Stordalsvatnet (gml. Kart Stordalstjernet), deretter fylgjer grensa Stordalsåna til Stordalshølen i Aura, vidare langs Aura til Aursjødemninga, derifrå turiststien mot Skageosen til den møter fylkesgrensa mot Oppland.
Dessutan kan dei same jegerane jakte i heile Eresfjord og Vistdal statsallmenning nord/nordvest for Gravdalen.
Avtalen gjeld ikkje for reinskort utstedt av Eikesdal sameige til jegerar som ikkje er rettighetshavarar.
Jegerar busatt i Eikesdal med jaktkort på rein utstedt av Eresfjord og Vistdal Fjellstyre kan jakte på Eikesdal Sameige sitt privatfjell.
Jaktavtale mellom Eresfjord og Vistdal Fjellstyre og Lesja, Snøhetta vest:
Jegere med kort på alle typar dyr på vestområdet i Eresfjord og Vistdal Statsallmenning utstedt av Eresfjord og Vistdal Fjellstyre, kan jakte på Lesja på Lesja Fjellstyre sitt vest-område.
Lesjas jegere som har kort utstedt av Lesja Fjellstyre, Lesja Heimrast og Lesjaskog heimrast på Vestområdet kan jakte på alle typar dyr på Eresfjord og Vistdal Fjellstyre sitt vest-område.
Lesjas jegere kan ikkje jakte i fremre (inste) delen av Stordalen frå og med 20.8 til og med 27.8. Dette gjelder sørøst for en linje frå høgde 1464 på Odden, utløp Midtlægervatnet, Torbusnyta, Stortorbuhøa.
Ingen kan jakte på de områdene som eventuelt måtte vere fredet.
Felles jaktområde på Vestområdet i denne avtalen er følgende østgrense: Grensen mot Sunndal Reinsutval/Statsallmenning, Aursjøveien mot Aursjøen, Aursjøbassenget, Trælen, Godsjøen, Sjongsvatnet, Flisarvatnet, Dyratjønn, Jore.
Fri inngang frå alle utgangsounkt.
Jaktavtale mellom Eresfjord og Vistdal Fjellstyre og Lesja, Snøhetta aust.
Jegere med kort på alle typar dyr utstedt av Eresfjord og Vistdal Fjellstyre i område Snø Øst kan jakte på et område i Dalsida Statsallmenning i Lesja med følgande avgrensing: Skjellbreias utløp i Aursjøen, til Geithøas høgste punkt og videre over toppen av Søre Svarthammer til Sunndal grense
Avtalen gjelder for hele jakttiden
Avtale om praktisering av jaktgrense mellom Dalsida Statsallmenning og rettighetshavarar i Eikesdalen.
Fleire gamle dokumenter berører spørsmålet om jaktrett for Eikesdøler i Dalsida statsallmenning, bl.a. brev frå Lesja fjellstyre av 20.9.57 og 21.7.61. På bakgrunn av disse dokumenter og etter senere praksis har Lesja fjellstyre, Eikesdal sameige og Eresfjord og Vistdal Fjellstyre (Nesset Fjellstyre) inngått følgende avtale:
Personer med postadresse 6472 Eikesdal kan jakte på Lesjas grunn avgrenset slik: Røyrhøa (fylkesgrense) (1650) – Svarthøi (1883) – Mehø (1780) – Storhøi (1868) – Søre Buahø (1536) – Storbolla (1403) – utløpet av Skageostjønn (1152) – råket frå Skageostjønn (T-ruta) til fylkesgrensa (Piksteinsbotnen).
Jegere frå Eikesdalen som jakter på Lesjas grunn må rette seg etter de til enhver tid gjeldende regler for jakt i Lesja.
Personer bosatt vest for Mølmsåa på Lesjaskog har jaktrett inn på Nesset i Storflåa/Røyra-området.
Jaktavtale mellom Eresfjord og Vistdal Fjellstyre og Vike og Hoem Heimraster.
Jegerar med jaktkort på rein utstedt av Eresfjord og Vistdal Fjellstyre kan jakte heile Vike og Hoem Heimraster sitt privatfjell.
Like eins kan jegerar med jaktkort på rein utstedt av Vike og Hoem Heimraster jakte i heile Eresfjord og Vistdal Statsallmenning.
Jaktavtale mellom Eresfjord og Vistdal Fjellstyre og Øverås og Nerås Grunneigarlag.
Jegerar med jaktkort på rein utstedt av Eresfjord og Vistdal Fjellstyre i Snøhetta vest kan jakte på heile Øverås og Nerås Grunneigarlag sitt privatfjell.
Like eins kan jegerar med jaktkort på rein utstedt av Øverås og Nerås Grunneigarlag jakte i heile Eresfjord og Vistdal Statsallmenning i Snøhetta vest.
Jaktavtale mellom rettighetshavere i Nesset og Rauma.
Jegere med reinskort utstedt av rettighetshavere i Nesset kan jakte på hele Rauma villreinfelt sitt område.
Jegere med reinskort utstedt av rettighetshavere i Rauma kan jakte på følgende område i Nesset kommune:
Alt område nordvest for Sandgrovvegen til Sandgrovsnyta og videre ned turstien ned til Eikesdalen.
Videre kan det jaktes på Eresfjord og Vistdal statsallmenning sitt område frå fylkesgrensa mot Oppland til Grovåkampen videre til Høvelkampen. Derfra går grensen rett vestover til Børå.
Rett til simle og kalvejakt skal til enhver tid følge grunneiers bestemmelser, og retten til slik jakt skal vere lik for alle jegere.
Jaktavtale mellom Eresfjord og Vistdal Fjellstyre og Sunndal Reinsutval, Snøhetta aust.
Jegere som har kort utstedt av Eresfjord og Vistdal Fjellstyre i Snøhetta aust kan jakt på hele Sunndal Reinsutval sitt austområde.
Jegere med kort utstedt av Sunndal Reinsutval i Snøhetta aust kan jakte på den del av Eresfjord og Vistdal Statsallmenning som ligger aust for Aursjøvegen («Trekanten»).
Jaktavtale mellom Eresfjord og Vistdal Fjellstyre og Sunndal Reinsutval, Snøhetta vest.
Jegere med kort utstedt av Eresfjord og Vistdal Fjellstyre i Snøhetta vest kan jakte på heile Sunndal Reinsutval sitt vestområde
Jegere med kort utstedt av Sunndal Reinsutval i Snøhetta vest kan jakte på Nessets del av dette på et område begrenset mot vest og sør av en linje frå Blåbotnhalsen til nordenden av Stordalstjønna. Videre langs Stordalsåa til Midtlægervatnet og frå sørenden av dette vatnet til toppen av Store Torbuhøa. Sunndal Reinsutval sine jegerar kan og jakte i Eresfjord og Vistdal statsallmenning sitt område i Vikebotnen.
Oversikta er etter gjeldande avtalar pr. 14.8.2021
